ចាប់មេ​តុង​ទីន​ជំពាក់​ប្រាក់​កូន​តុង​ទីន​មិន​តិច​ជាង​១​លាន​ដុល្លារ

ខេត្ត​កំពង់​ចាម​​ ៖ ភាព​​រំជើប​រំជួល​រឿង​មេ​តុង​ទីន បាន​ផ្ទុះ​​ឡើង​ទាំង​នៅ​តំបន់​ត្រើយ​ខាង​កើត​​ និង​ត្រើយ​ខាង​លិច​ទន្លេ​មេ​គង្គ ដោយ​ក្នុង​នោះ​មាន​មេ​តុង​ទីន​ម្នាក់​នៅ​​ក្រុង​កំពង់​ចាម​បាន​ស្លាប់​ក្នុង​ឧប្បតិ្ត​ហេតុ​គ្រោះ​ថ្នាក់​ចរាចរណ៍​ និង​ម្នាក់​ទៀត​ឈ្មោះ ឆេង ឡាង ភេទ​ស្រី កំពុង​តែ​ជាប់​នៅ​ក្នុង​ពន្ធ​នា​គារ​​ខេត្ត​នៅ​ឡើយ ។ ​មេ​តុង​ទីន​នៅ​ក្រុង​សួង​ម្នាក់​ក៏​ធ្លាប់​បាន​រត់​គេច​ខ្លួន​ ក្រោយ​មក​វិល​ត្រឡប់​មក​ផ្ទះ​វិញ​សង​ប្រាក់​កូន​តុង​ទីន​បញ្ចប់​ក្តី​ក្តាំ ។

ជាក់​ស្តែង​មាន​មេ​តុង​ទីន​ល្បី​ឈ្មោះ​​​​ម្នាក់​ឈ្មោះ​ហាក់ គឹម​ស្រស់ ​ភេទ​ស្រី អាយុ​​២៨​ឆ្នាំ ​រស់​នៅ​ភូមិ​​លេខ​៤​កើត​ ឃុំ​អំពិល​តា​ពក ស្រុក​អូរ​រាំង​ឪ បាន​ជំពាក់​ប្រាក់​​កូន​តុងទីន​​រុំ​កោះ​​មិន​តិច​ជាង​១​លាន​ដុល្លារ​នោះ​ទេ ហើយ​ត្រូវ​បាន​ចាប់​ខ្លួន​នៅ​ព្រឹក​ថ្ងៃ​ទី​៧ វិច្ឆិកា ​២០១២ តាម​ដី​កា​របស់​​លោក ជា​ វណ្ណៈ ​ចៅ​ក្រម​សាលា​​ដំបូង​ខេត្ត និង​​ត្រូវ​បាន​បញ្ជូន​​ទៅ​ស្នង​ការ​ដ្ឋាន​នគរ​បាល​​ខេត្ត​ចាត់​ការ​​តាម​នី​តិ​វិធី​ ព្រម​ទាំង​បាន​ឃុំ​ខ្លួន​​ជា​បណ្តោះ​អាសន្ន​នៅ​ពន្ធ​នា​គារ​​ខេត្ត​ផង​ដែរ ។

​លោក​វរសេនីយ៍​ត្រី សុក សំបូរ ​នាយ​ការិយាល័យ​ព្រហ្ម​ទណ្ឌ​កម្រិត​ស្រាល​ខេត្ត​បាន​ឱ្យ​ដឹង​ថា ​​លោក​បាន​ទទួល​ពាក្យ​បណ្តឹង​​ពី​កូន​តុង​ទីន​ក្នុង​នោះ​​មាន​ ១-​ឈ្មោះ​​ លន់ ដួង ភេទ​ស្រី អាយុ​៥១​ឆ្នាំ ២-​ឈ្មោះ ​លន់ រចនា ភេទស្រី អាយុ​​៥០​ឆ្នាំ ​៣-ឈ្មោះ​កយ ថុន ​​ភេទ​ស្រី អាយុ​​៣៥​ឆ្នាំ ៤-ឈ្មោះ​​ហ៊ាង មួយ ភេទស្រី អាយុ​៤៩​ឆ្នាំ ​រួម​នឹង​បណ្តឹង​របស់​ប្រ​ជា​ពលរដ្ឋ​​ចំនួន​៣៩​នាក់​ទៀត​ មាន​ទី​លំនៅ​​ឃុំ​អំពិល​តា​ពក ស្រុក​អូររាំង​ឪ ​នៅ​អធិការដ្ឋាន​នគរ​បាល​​ស្រុក​អូរ​រាំង​ឪ ​កាល​ពី​ថ្ងៃ​ទី​៣០ ឧសភា ២០១២ ដើម្បី​ជួយ​អន្ត​រា​គមន៍​តាម​ផ្លូវ​ច្បាប់ ចំពោះ​​មេ​តុង​ទីន​ខាង​លើ ។

​​ព័ត៌​មាន​លំអិត​នឹ​ង​​ផ្សាយជូន​នៅពេល​ក្រោយ ​នៅ​លើ​ទំព័រកាសែតកោះ​​​សន្តិ​​ភាព និង​​នៅ​​តាម​វិទ្យុ​សំឡេង​កោះ​សន្តិ​ភាព FM 87.75 រាជធានី​ភ្នំពេញ, FM 87.5 ខេត្តបាត់ដំបង៕

ការ​បញ្ចេញ​មតិ​ត្រូវបានបិទ។

%d bloggers like this: